Калі сказаць: Сівухіны з «Заранскага» – усе, хто маюць дачыненне да сельскай гаспадаркі, адразу зразумеюць пра якую сям’ю ідзе гаворка. Віктар Іванавіч і Тамара Міхайлаўна, а таксама іхнія бацькі шмат год адпрацавалі ў жывёлагадоўлі і дасягнулі значных вынікаў сваёй працавітасцю. Прадоўжыў сямейную дынастыю іхні сын Сяргей СІВУХІН, што больш дваццаці гадоў шчыруе у КСУП «Заранскі». Шосты сезон механізатар заняты на сваім «КВК-800» загатоўкай сенажу. Між іншым 11000 тон даведзена прадпрыемству нарыхтаваць зялёных кармоў, 8000 з іх ужо ўкладзена ў траншэі, і адзін з надзейных працаўнікоў на гэтым участку менавіта Сяргей Сівухін. Кіраўніцтва характэрызуе механізатара толькі з лепшага боку: добрасумленны, надзейны чалавек і ў высокай ступені адказны. На гэтага рупліўца заўжды можна палажыцца і разлічваць на ягоныя прафесіяналізм і прыстойнасць. Сяргей Віктаравіч, як і іншыя працаўнікі КСУП «Заранскі», калі таго патрабуе дабрабыт прадпрыемства, не лічыцца з асабістым часам і заўжды гатовы падставіць плячо. На такіх рупліўцах і трымаецца сельская гаспадарка рэгіёна.